Introducción – Ixe’teb’al
Elamxkoq tiempo ixeet inq’a cristiiano ti inimal u tala vi k’aol Tiuxh, Jesucristo. Ik’aol Tiuxh, u aj Nazaret. Chianaqetz vet tcheel te in’q xaol uva’ nik tex-t vaaq Iglesia, uva’ tu 25 de diciembre junun yab’ niki nimalu navidad, tul veqlelxh-vete’. Mam xaol niki b’ani nimlaq’ij, nik tutch txix, nik tutch oyaam. Mam loq’oom atz mam k’aay nik tutche’.
Niki mol tchaqnaq inq’a ne’aq xaak isean ti’ iloq’xi txipoq’. Mam txipoq’ niki k’ayile’ tan, kamkuxh xaolil niki loq’one’. Q’eslatchaq aanima, txulul atz, s-ne’aq nitxa’.
Kam, inq’a kamal nikich tab’i inq’a ku q’esal s-naaya ti’u nimlaq’ij uva’e, tchaqtanxh isotze’. Nikichi yolb’el ti’ Xhuul tuch’ Mal, atz t’i naqu ne’ Jesus. Nikichi yolb’el ti’ u tatib’ txoo taluva’ alalik Jesus.
Pero, tchaqtanxh ijalpinq’a kam. Tul tcheela’ kama yevet niki yolb’ele kam-stiil niki nimale’, pero nik tutch tx’aom, nik tel decolor, nik tokaq luus t-b’ey. Tul niki ja’ vaal nimla tz’e tuch’ luus nik’a tenam.
Yeletz la sotz-su k’uul kam s-tiil niki b’anaxe’. Kama nikxh aab’i keech s-tiil. Pero ech kuxhi xeet s-eche?
Tuulb’alu tchub’aluva’
toq ku tch’oti ixe’al. Pero yeela sotzak’uul oq kam ye’ toq b’enoq see, tan toq
qalinuqul t-joltaq capítulo.